കൊച്ചി: കൊച്ചി അന്താരാഷ്ട്ര പുസ്തകോത്സവ സമിതിയുടെ ഈ വർഷത്തെ സമഗ്രസംഭവനയ്ക്കുള്ള ബാലാമണിയമ്മ പുരസ്‌കാരo ഡോ.എം.എം. ബഷീറിന് സമ്മാനിക്കാൻ ബാലാമണിയമ്മ പുരസ്‌കാര നിർണ്ണയ സമിതി അംഗങ്ങളായ ഡോ: എം ലീലാവതി, പ്രൊഫ: എം. തോമസ് മാത്യു, കെ. എൽ. മോഹനവർമ്മ എന്നിവർകൂടി തീരുമാനമെടുത്തു. പുരസ്‌കാരം 2025 നവംബർ 7 വ്യാഴാഴ്ച അന്താരാഷ്ട്ര പുസ്തകോത്സവ വേദിയിൽ സമ്മാനിക്കും.50000 രൂപയും, പ്രശസ്തി പത്രവും, ഫലകവും നൽകും.2025,നവംബർ 1 മുതൽ 10 വരെ ആണ് പുസ്‌തകോത്സവം നടക്കുന്നത്….
സാഹിത്യ ഗവേഷകൻ, നിരൂപകൻ, അദ്ധ്യാപകൻ, എഡിറ്റർ, പ്രഭാഷകൻ തുടങ്ങി വിവിധ നിലകളിൽ പ്രാഗത്ഭ്യം തെളിയിച്ച ഡോ.എം.എം. ബഷീർ കാലിക്കറ്റ് സർവകലാശാലയിൽ അദ്ധ്യാപകനായിരന്നു. അമ്പതോളം പുസ്തകങ്ങളുടെ രചയിതാവാണ്. 1940ൽ, തിരുവനന്തപുരത്തെ കണിയാപുരത്താണ് ഡോ.എം.എം. ബഷീർ ജനിച്ചത്. തിരുവനന്തപുരം യൂണിവേഴ്‌സിറ്റി കോളേജിൽനിന്ന് എംഎ പാസായി, കേരള യൂണിവേഴ്‌സിറ്റിയിൽ ഗവേഷണം ചെയ്തു. പഠനകാലത്തുതന്നെ കർമ്മഭൂമി സായാഹ്ന പത്രത്തിൽ പ്രവർത്തിച്ചു. പിൽക്കാലത്ത് പലകാലങ്ങളിൽ ഗ്രന്ഥാലോകം, മലയാളവിമർശം, സാഹിത്യലോകം, സംസ്‌കാരകേരളം, കേരളകവിത തുടങ്ങിയ നിരവധി സാഹിത്യ മാസികകളുടെ പത്രാധിപരായി. കാലിക്കറ്റ് സർവകലാശാലയിലെ മലയാളം വിഭാഗത്തിൽ ലക്ചററായി അദ്ധ്യാപക ജീവിതം ആരംഭിച്ച്, കാലാവധി പൂർത്തിയാക്കി, അവിടുന്നുതന്നെ വിരമിച്ചു.
മലയാള സാഹിത്യത്തിന്റെ വിവിധ ശാഖകളിൽ ഡോ. എം.എം. ബഷീർ, 50 ലധികം പുസ്തകങ്ങൾ എഴുതിയിട്ടുണ്ട്. പുത്തേഴത്ത് രാമൻമേനോൻ അവാർഡ് (1989), സി.ജെ. സ്മാരക ഡോ.എബ്രഹാം വടക്കേൽ അവാർഡ് (1993), അബുദാബി ശക്തി അവാർഡ് (2016), കേരള സാഹിത്യ പരിഷത്ത് അവാർഡ് (2017) എന്നിവ ലഭിച്ചിട്ടുണ്ട്. 2008ൽ, രണ്ടുഭാഗങ്ങളിലായി കേരള സാഹിത്യ അക്കാദമി പ്രസിദ്ധീകരിച്ചിട്ടുള്ള ‘മലയാള ചെറുകഥാ സാഹിത്യ ചരിത്രം’1950 മുതൽ 2007 വരെയുള്ള കഥകളെ ആസ്പദമാക്കിയുള്ള പഠനമാണ്.

1st to 10th November 2025
VARNOTSAVAM

ALL KERALA PAINTING & LITERARY COMPETITIONS

Painting: 26th October, Sunday, Literary: 2nd November, Sunday at Book Festival Auditorium

പ്രശസ്ത പത്രപ്രവർത്തക ലീലാമേനോന്റെ സ്മരണയ്ക്കായി  അന്താരാഷ്ട്ര പുസ്തകോത്സവ സമിതി ഏർപ്പെടുത്തിയിട്ടുള്ള മാധ്യമ പുരസ്കാരത്തിന് സൃഷ്ടികൾ ക്ഷണിക്കുന്നു. 2024 സെപ്റ്റംബർ 15 മുതൽ 2025 സെപ്റ്റംബർ 15 വരെയുള്ള, പത്ര- ദൃശ്യ മാധ്യമങ്ങളിലെ  സാമൂഹ്യ പ്രതിബദ്ധതയുള്ള സൃഷ്ടികൾക്കാണ്  പുരസ്കാരം. മികച്ച ചാനൽ റിപ്പോർട്ടർ, ക്യാമറാമാൻ, പത്രറിപ്പോർട്ടർ, ഫോട്ടോഗ്രാഫർ, ഓൺലൈൻ ചാനൽ അവതാരകൻ എന്നിവരെയാണ് തിരഞ്ഞെടുക്കുക. സൃഷ്ടികൾ സെപ്റ്റംബർ 30ന് മുമ്പായി  bookfestkochi@gmail.com എന്ന മെയിലിൽ അയക്കുക. സമഗ്ര സംഭാവനയ്ക്കുള്ള മാധ്യമ പുരസ്കാരത്തോടൊപ്പം അന്താരാഷ്ട്ര പുസ്തകോത്സവത്തിൽ വച്ച്  പുരസ്കാരം സമ്മാനിക്കും. നവംബർ ഒന്നു മുതൽ പത്തുവരെ എറണാകുളത്തപ്പൻ ഗ്രൗണ്ടിലാണ് അന്താരാഷ്ട്ര പുസ്തകോത്സവം.